Самитот меѓу рускиот претседател Владимир Путин и неговиот американски колега Доналд Трамп може да се одржи во рок од две недели, или малку подоцна, но многу работи треба да се разјаснат пред да се одреди датум, соопшти Кремљ во петокот (17 октомври).
Во четвртокот, Трамп и Путин се согласија да одржат втор самит за војната во Украина, откако првиот што се случи на 15 август во Алјаска не даде резултати. Вториот, засега, е планирано да се одржи во Будимпешта.
Најавата за новата средба помеѓу американскиот и рускиот претседател дојде пред состанокот меѓу Трамп и украинскиот претседател Володимир Зеленски во чиј фокус се очекува да биде евентуалното испраќање крстосувачки ракети „Томахавки“ од САД во Украина.
slobodnaevropa.mk
