Три градинки и едно училиште во земјава добиле парични казни поради несоодветно чување на храната која се подготвува за децата, соопшти Агенцијата за храна и ветеринарство (АХВ)на 8 октомври. Од Агенцијата додаваат дека биле уништени 24 килограми храна во градинките и 59 килограми храна во училиштата.
Во септември инспекторите спровеле контроли во училишните и кујните во градинките на територијата на цела држава. Како што информираат од АХВ биле спроведени 91 контрола во кујни во градинки и 23 вонредни надзори во училишни кујни.
За утврдените недоследности, како што велат од АХВ, издадени се девет решенија со наредби за нивно отстранување.
„Во две градинки, хигиената не била задоволителна во кујните, а една градинка немала спроведено задолжителен здравствен преглед на вработениот персонал во кујните. Парични казни изречени се за три градинки, и поради несоодветно чување, уништени се 24 килограми храна“, информираат од АХВ.
slobodnaevropa.mk
