Агенцијата за национална безбедност (АНБ) соопшти дека денеска, 19 јули 2025 година, биле извршени претреси на две локации во Скопје, при што биле одземени огнено оружје и мобилни уреди.
„Во врска со претходно обезбедени податоци на Агенцијата, а во координација со Министерството за внатрешни работи, по наредба на Основното јавно обвинителство Скопје, беше извршен претрес по основ на член 396 од Кривичниот законик – недозволено изработување, држење, посредување и тргување со оружје и распрскувачки материи“, соопшти АНБ.
Пронајдените предмети ќе бидат предмет на понатамошна форензичка анализа.
Лицата кај кои е извршен претресот се веќе познати на АНБ и на органите на прогонот поради нивна претходна противуставна активност. Едниот од нив, според информациите, има и одлежана затворска казна за учество во насилните протести поврзани со случајот „Монструм“.
Случајот е во тек и надлежните институции продолжуваат со понатамошна обработка и постапка.
4news.mk
