На денешниот состанок, германската влада усвои предлог за значителнозголемувањенаминималната плата.Вкупно, таа треба да порасне за 13,9 проценти. Ова е најголемото зголемување откако минималната плата беше воведена воГерманијаПред 10 години.
Првично, кога минималната плата за работен час за првпат беше воведена во Германија во 2015 година, таа изнесуваше8,50евра бруто на час. Оттогаш, вкупно е зголемена десет пати.
Сегашната законска минимална часовна плата од 12,82 евра треба да се зголеми во два чекора. Во јануари треба да се зголеми на 13,90 евра на час. А во 2027 година е планирано понатамошно зголемување на 14,60 евра. Притоа, сојузната влада ја следи препораката на независната Комисија за минимална плата.
Комисијата за минимална плата се состои од по тројца претставници од работодавачите и од синдикатите, плус еден претседател и двајца советодавни членови од академската заедница – вкупно девет члена. Законот предвидува дека на секои две години комисијата поднесува предлог за прилагодување на минималната плата, која потоа сојузната влада може да ја направи правно обврзувачка преку законска одредба – но не е обврзана да го стори тоа.
Препораката за зголемување, која сега е одобрена од владиниот кабинет, беше едногласно усвоена од претставниците на работодавачите и на вработените во рамките на комисијата. Според Сојузниот завод за статистика, до 6,6 милиони луѓе би можеле да имааткористод повисока минимална плата наредната година – особено многу жени и вработени во источна Германија. Оние кои работат со полно работно време за минимална плата за работен час треба да заработуваат околу 190 евра бруто повеќе месечно од јануари. Во своето образложение за декретот, владата проценува дека работодавачите би можеле да се соочат со дополнителни трошоци за плати во износ од околу 2,2 милијарди евра во наредната година и околу 3,4 милијарди евра една година подоцна, поради овој потег.
„Во случај на целосно пренесување на зголемувањето на платите“, цените на одредени стоки и услуги би можеле умерено да се зголемат. Меѓутоа, не се очекуваат значителни влијанија врз целокупното економско ниво на цените, особено врз нивото на потрошувачките цени, се додава во соопштението.
DW
