Македонскиот премиер Димитар Ковачевски денеска пред почетокот на првата Меѓувладина конференција со ЕУ во Брисел изјави дека станува збор за историски ден за Северна Македонија и оти ова е резултат на, како што рече, големата одлука на граѓаните кои преку нивните претставници во Собранието јасно кажале дека земјата е Европа во мало и и припаѓа на Европа. Тој информираше дека изутрината имал средба заедно со премиерот на Албанија Еди Рама со претседателката на Европската комија Урсула фон дер Лајен, како и со Петар Фиала премиерот на Чешка чија земја претседава со Унијата.
По Меѓувладината конференција, според најавите на шефот на дипломатијата Бујар Османи, ќе почне скрининг процесот кој ќе трае година и половина. По завршување на скринингот предвидена и втора Меѓувладина конференција на која треба да се комплетира фазата за отворање на преговорите, меѓутоа, нејзиното одржување е условено со уставните измени, односно внесувањето на Бугарите во Уставот. Чешкиот премиер Фиала, синоќа ја објави одлуката на Европскиот совет за одобрување на преговарачките рамки на ЕУ со Македонија и Албанија.
извор: