Лидерот на движењето ФЕТО и турски политичар Фетула Ѓулен ба 83 години почина во Соединетите Американски Држави, објавија турските медиуми и веб-страницата поврзана со Ѓулен.
Ѓулен изгради моќно исламско движење во Турција и пошироко, но подоцнежните години ги помина обвинет за организирање обид за државен удар против турскиот лидер Реџеп Таип Ердоган, обвиненија кои тој ги негираше, пишува Ројтерс.
— Herkul (@Herkul_Nagme) October 21, 2024
Херкул, веб-страница која ги објавува проповедите на Ѓулен, на својот профил Х објави дека Ѓулен починал во неделата вечерта во болница каде што бил на лекување.
Ѓулен беше поранешен сојузник на Ердоган, но тие се разделија, при што Ердоган го сметаше за одговорен за обидот за државен удар во 2016 година во кој војниците командуваа со воени авиони, тенкови и хеликоптери. Во обидот за преземање на власта загинаа околу 250 луѓе.
Ѓулен живееше во самонаметнат егзил во САД од 1999 година.