Современа ендоскопска технологија на Универзитетската клиника за урологија
На покана на директорот, науч. сор. д-р Башким Шабани, Универзитетската клиника за урологија ја посетија претставници на компанијата Vathin, еден од водечките производители на современа уролошка ендоскопска опрема. 
Во рамки на посетата беа презентирани и демонстрирани најновите флексибилни уретероскопи од нова генерација – технологија која овозможува третман и на сложени камења во бубрезите и уретерот без хируршки рез.
Предностите за пациентите се значајни:
минимално инвазивен пристап помала болка побрзо закрепнување 
пократок престој во болница 
побрзо враќање во секојдневните активностиЗа пациентите со големи или комплексни камења, кои понекогаш бараат повторувачки интервенции, оваа технологија претставува можност за современ и поефикасен третман. 
Универзитетската клиника за урологија изрази интерес за воведување на оваа опрема, со цел пациентите во Северна Македонија да имаат пристап до современи методи на лекување според највисоките светски стандарди.
Современата урологија е насочена кон помалку инвазивни процедури, побрзо закрепнување и подобар квалитет на живот за пациентите.
Современа медицина достапна за нашите пациенти – дома.
