Денешниот пречек на француската репрезентација, која во неделата загуби од Аргентина во финалето на Светското првенство во Катар, е откажан во ПАРИЗ, пренесува француската прес агенција АФП. Според претседателот на Француската фудбалска федерација (ФФФ) Ноел Ле Грает, по слетувањето во татковината, фудбалерите само сакаат да си одат дома.
Најпрво планираа пократка церемонија на Плас де ла Конкорд, но поради поразот веќе ја откажаа класичната парада на Елисејските полиња. Сега, како што изјави Ле Грает за телевизијата BFMTV, пократката церемонија исто така е откажана. Авионот со француските фудбалери ќе слета на аеродромот Роаси околу 18 часот.
„Играчите само сакаат да си одат дома, па нема да има дочек на Елисејските полиња. Наместо тоа, тие ќе си одат дома веднаш по слетувањето на авионот“, рече претседателот на ФФФ, Ле Грает во кратката изјава што ја пренесе АФП.
Французите во неделата разочарани го напуштија стадионот Лусаил во Доха. По 90 минути на семафорот стоеше 2:2, по продолженијата беше 3:3, а во судиското продолжение Аргентинците беа поуспешни со 4:2 и ја прославија третата титула во историјата. Французите по втор пат загубија во четвртото финале. Пред четири години ја освоија титулата во Русија.
index.hr
