Островот Алкатраз, еден од најважните симболи на Сан Франциско, е и локацијата на затворот Алкатраз, познат како најпознат затвор во светот и тема на различни филмови, пишува Анадолу.
Островот е домаќин на 1,5 милиони туристи секоја година од 1973 година, кога почна да се користи како јавна туристичка област.
Анадолу го сними островот Алкатраз и неговата околина.
Островот Алкатраз, еден од најважните симболи на Сан Франциско, служел како затвор помеѓу 1861-1963 година. Потоа бил користен за воени цели за одбрана на Сан Франциско, додека на 1 јануари 1934 година бил претворен во федерален затвор.
Затворот бил домаќин на многу познати криминалци, меѓу кои и водачот на американската мафија со италијанско потекло, Ал Капоне, „Док“ Баркер, Џорџ Кели, познат и како „Митралез Кели“, Роберт Френклин Страуд, познат како „Човекот птица од Алкатраз“, Флојд Хамилтон, возачот на дуото Бони и Клајд, како и на Алвин Карпис.
Во познатиот затвор, каде што немаше никакви привилегии меѓу затворениците, осудените наместо со имиња, се повикуваа по броеви.
– Бегството беше речиси невозможно
Затворот, каде што бегството беше многу тешко, поради условите беше речиси споредуван со затворски логор.
За да може да се користи затворската библиотека, се бараше услов да се биде затвореник без проблеми најмалку пет години. Ништо не беше давано освен храна, облека и медицинска помош.
Повеќето затвореници поминувале 23 часа дневно во своите ќелии, додека среќниците би можеле да излезат еден час како чистачи доколку им се укаже шанса.
Уште во Америка, затворениците се туширале со ладна вода во затворите, додека во Алкатраз на затворениците им било дозволено да се тушираат со топла вода.
Причината за тоа била да се намали желбата на затворениците, навикнати на топла вода, да избегаат, па дури и да се оневозможи такво нешто. Ниту еден затвореник, навикнат на топла вода, не се осмелил да избега од островот пливајќи во студените води на заливот, дури и во лето.
Затворот Алкатраз бил затворен во 1963 година. За време на службата имало 14 обиди за бегство. Најпознатиот меѓу нив е оној на браќата Џон и Кларенс Англин под водство на Френк Морис.
Браќата Англин и Морис, со недели, без никој да ги забележи, отворале дупка низ прилично малите отвори во ќелиите кон ходникот и знаејќи дека чуварите доаѓаат да проверуваат секој час, направиле свои кукли коишто ги легнале во креветот и ги покриле. Затворениците им ставиле од својата вистинска коса на куклите.
Откако се искачиле од ходникот до вентилацијата, тројцата затвореници, кои овде ги свиткале железните шипки и отишле на покривот, потоа се симнале прилепувајќи се за водоводните цевки и исчезнале на 11 јуни 1962 година.
Според официјалните податоци, од браќата Англин и Морис сѐ уште нема вести. Но, во 2013 година, во станицата Ричмонд во полициската управа во Сан Франциско беше оставено писмо со следната порака:
„Моето име е Џон Англин. Во јуни 1962 година со брат ми Кларенс и со Френк Морис избегав од Алкатраз. Имам 83 години и сум во тешка ситуација. Имам рак. Да, таа ноќ сите избегавме, но многу тешко.“
ФБИ рече дека писмото може да биде најновиот доказ што ќе ја принуди агенцијата повторно да го отвори овој нерешен случај.
– Секоја година пречекува 1,5 милиони туристи
Островот Алкатраз, кој се наоѓа во заливот Сан Франциско, на 2,4 километри од брегот и на површина од 9 хектари, се користи како јавна туристичка атракција од 1973 година.
Островот секоја година пречекува околу 1,5 милиони туристи.
извор:Анадолу.
фото:Анадолу.
