Украинскиот претседател Володимир Зеленски денеска ги запраша членките на НАТО, дали се уверени дека членот 5 од Северноатлантскиот договор ќе функционира ако Русија го нападне НАТО.
Во членот 5 од Договорот се наведува дека напад на една земја членка на НАТО е напад на целиот сојуз. Тој повика Алијансата да не и кажува на Украина дека нејзината војска не ги исполнува НАТО стандардите.
„Единствено нешто што барам од вас после овој месец војна е никогаш да не ни кажете дека нашата војска не ги исполнува стандардите на НАТО, рече Зеленски.