Шпанија потроши 258 милиони евра на нови модерни возови, за да сфати дека возовите се преголеми за нивните тунели, односно не можат да поминат низ многу тунели низ земјата, пишува Euronews.
Аферата минатиот месец ја обелодени локалниот медиум Ел Комерсио, а потоа следуваа оставки на одговорните.
Во 2020 година, Шпанија нареди 31 патнички воз да ги заменат старите, дотраени возови во северните провинции Астурија и Кантабрија. Првично беше планирано новите возови да започнат со работа во 2024 година, но сега е јасно дека се ќе биде продолжено, барем до 2026 година.
Исто така, се појави дека производителот, баскиски CAF, ја означил грешката уште во март 2021 година.
Претседателот Мигел Анхел Ревиља го нарече ова „неискажлива грешка“, додавајќи дека „главите мора да паднат“, според шпанскиот регионален весник „Ел Диарио Монтанес“.
index.hr
