Ружа Игнатова измами стотици илјади луѓе, некои сè уште и веруваат

Каде е Ружа Игнатова? Дали е мртва или живее некаде луксузно со 9 милијарди евра – под нов идентитет и со нов изглед? Две германски изданија повторно ги следат стапките на бугарската „криптокралица“.На 8 јануари 2024 година, во Минстер заврши судскиот процес против тројца соучесници на „криптокралицата“, како што е позната и Бугарката со германски пасош Ружа Игнатова. На обвинителна клупа имало три лица – брачен пар и адвокат од Минхен. Брачната двојка измамила милиони клиенти кои биле оштетени за сума приближно еднаква на три милијарди евра. Тие собраа 320 милиони евра од околу 90.000 клиенти низ Европа за измислената криптовалута OneCoin. А, адвокатот од Минхен дел од оваа сума префрлил на сметки во странски банки. Сопружниците добија 5 и 4 години затвор, а адвокатот близу 3 години.

„Лаги, гласини, меѓународни финансиски шеми“
Најдоцна, по овој случај, веќе нема сомнеж дека во случајот со измислената криптовалута OneCoin се работи за измамничка шема, пишува „Зидојче цајтунг“ (ZC):

„Цели две години судиите талкаа во лавиринт од лаги, гласини, меѓународни финансиски шеми… Судот осуди тројца соучесници, но едно мора да биде јасно: случајот ќе заврши дури кога главниот обвинет – „крипто кралицата“ Ружа Игнатова ќе седне на обвинителна клупа.

Сепак, од неа нема ни трага, потсетува изданието. Едно утро во октомври 2017 година, Игнатова се качила во авионот од Софија за Атина и оттогаш ја нема. А случајот во Минстер не успеа да одговори на најважното прашање: Каде е „криптокралицата“?“, посочува изданието.

Поранешниот телохранител на Игнатова, Френк Шнајдер, може да фрли малку светлина. Поранешниот директор за операции на тајните служби на Луксембург беше приведен при влезот во земјата од Франција во април 2021 година и може да биде екстрадиран во САД, каде што се водат неколку тужби против луѓе блиски до креаторот на OneCoin. Преку својата компанија, Шнајдер има изградено нешто како приватна тајна служба за Ружа Игнатова, што тој самиот го негира, додава ЗЦ.

Непосредно пред да го земе авионот од Софија за Атина, Игнатова од нејзините „бугарски пријатели“ дознала дека Германија добила барање за правна помош во случајот со неа, пишува друго германско издание – весникот Баден-Виртемберг „Шварцвелдер Боте“. Според изданието, „криптокралицата“ била предупредена дека треба итно да биде отстранета од земјата, бидејќи станувала проблем за нејзините контакти.

Френк Шнајдер во Атина и подаде билет за лет за Солун, каде што ќе ја чекаа луѓе кои ќе ја вратат во Бугарија, дознаваме повеќе од изданието на „Шварцвелдер Боте“. Подоцна, Шнајдер добил СМС порака од Игнатова, на која пишувало: „Дома безбедно“. Ова е и последниот знак на живот од неа.

Ружа Игнатова е мртва?
Тоа што кратката порака до него е напишана на англиски го збуни Шнајдер, бидејќи претходно Ружа Игнатова секогаш му пишувала само на германски, објаснува Шварцвелдер Боте. Затоа, тој смета дека Игнатова е ликвидирана, а пораката ја испратиле нејзините убијци.

Верзијата дека „криптокралицата“ повеќе не е меѓу живите е поддржана и од информациите до кои дојде „Зидојче цајтунг“. Според изданието од Минхен, анонимен извор тврди дека убиецот е маж кој е во холандски затвор поради трговија со хероин. Тој ја застрелал Ружа Игнатова на јахта во Јонското Море. Потоа го исекол телото на парчиња и ги фрлил во морето. Овие тврдења, сепак, не можат да се докажат, појаснува весникот.

Но, спротивно на таквата верзија говори фактот што братот на Ружа и нејзината мајка разговарале телефонски со неа по нејзиното наводно убиство. Згора на тоа, очигледно воопшто не ги загрижувало тоа што Ружа Игнатова исчезнала. Изданието потсетува и на уште еден факт: американски репортер ја извлекол информацијата од ФБИ дека службата имала добра причина да ја задржи Ружа Игнатова на листата на најбарани лица, т.е. тоа може да значи дека таа е жива.

Има и документи, според кои Ружа Игнатова водела прекрасен живот илегално. Според нив, уште во 2015 година, основачот на OneCoin ја продал својата компанија на лице од една од највлијателните династии во Обединетите Арапски Емирати за 230.000 биткоини, кои Игнатова ги добила во три флеш дискови. Ако претпоставиме дека таа ја поседува оваа криптовалута, тоа би ѝ обезбедило богатство од над 9 милијарди евра – по денешната стапка на биткоин, пишува и Schwarzwelder Bote.

Сепак, сето тоа не ја спречува финансиската пирамида да постои. Канцеларијата на фиктивната валута OneCoin стои непречено во центарот на Софија, но под ново име. И инспирираните продавачи продолжуваат да удираат на тапанот на ветената финансиска револуција – под рамнодушен поглед на бугарските власти. Софиското градско обвинителство има интересно објаснување за ова: ниту Onecoin ниту One Ecosystem не биле регистрирани во бугарскиот комерцијален регистар – вака обвинителството одговорило на Süddeutsche Zeitung.

Знае ли поранешниот телохранител на Ружа Игнатова каде е „криптокралицата“?
Од друга страна, поранешниот телохранител на Ружа Игнатова покажа неочекувана реакција: во јуни 2022 година, Франк Шнајдер покани новинар од „Зидојче цајтунг“ да го посети во неговиот дом. Пред него откри дека почнал да работи кај Ружа Игнатова откако му препорачал поранешен заменик министер за финансии на Бугарија. Шнајдер признава за публикацијата дека бил импресиониран од неа и дозволил да биде заслепен.