Првиот вицепремиер и министер за политички систем и односи меѓу заедниците Артан Груби, денеска изјави дека во ДУИ нема раскол и оти партијата може да функционира и без него.
„Не само ДУИ, која било политичка партија, која било институција, кој било општествен процес може без секого. Никој не е незаменлив. Но, се наоѓаме во пресудни моменти, ви кажав и сметам дека сите треба да дадеме придонес за да ги надминеме сите кризи со коишто се соочуваме и да дадеме придонес за успешно реализирање на сите проекти“, рече Груби по настанот „Цивилната заштита помеѓу институциите и граѓаните“ во организација на Дирекцијата за заштита и спасување.
Тој негира дека има раскол во ДУИ.
„Ги видовте средбите вчера, сите се построени позади Али Ахмети“, рече Груби, додавајќи дека „на Али Ахмети не му треба народот, туку на народот му треба Али Ахмети“, не коментирајќи ги обвинувањата против него.
Радио Слободна Европа
