Познатата пејачка Лејди Гага често е во центарот на медиумското внимание не само поради одличната музика, туку и поради нејзиниот по малку ексцентричен и необичен начин на облекување.
Ретко имаме можност да ја видиме во „обични“ изданија, а таа неодамна облече едно од нив и покажа дека може да биде како сите други девојки.
Таа е фотографирана додека пристигнува во музичко студио во Западен Холивуд. Триесет и шестгодишната пејачка излезе од својата лимузина и во таа прилика го привлече вниманието на сите со својот необичен деловен стил.
Таа со нејзините црни фармерки скинати до колена имаше и црни мокасини кои се ултра модерни оваа есенска сезона.
Добитничката на Греми носеше бела маичка со тркалезно деколте, а над неа модерна карирана блејзер-јакна во која изгледаше опуштено и модерно.
Нејзината платинеста руса коса беше собрана во лесна пунџа. Својот изглед го комплетираше со природна шминка и пар темни очила за сонце.
Со ова таа покажа дека може да биде многу заводлива, секси и ексцентрична, но кога е потребно знае да биде опуштена, природна и – преслатка.
popara.mk