Најмалку три лица загинаа при падот на патнички авион во езерото Викторија во Танзанија ова утро, известува Агенција Анадолија (АА).
Исесанда Каники, регионален медицински службеник во Кагеру, потврди дека во авионската несреќа загинале двајца мажи и една жена.
Властите соопштија дека бројката на загинати би можела дополнително да се зголеми бидејќи во тек се акции за пребарување и спасување.
Во авионот на „Пресижн ер“ (Precision Air) имало 43 лица, 39 патници, двајца пилоти и двајца членови на кабинетскиот персонал, соопшти регионалниот комесар Алберт Чаламила.
Во кусото соопштение, „Пресижн ер“ информираше дека авионот летал од Дар ес Салам кон Букоба.
Авионот паднал во езерото Викторија околу 10:50 часот по локално време.
Аеродромот Букоба се наоѓа на брегот на езерото, а местото на несреќата е само неколку стотина метри од пистата, информираа локални лица.
Видеоснимките што кружат на социјалните мрежи го покажуваат потопениот жолт и зелен труп на авионот опкружен со спасувачки чамци.
Самија Сулуху Хасан, претседателката на Танзанија, која во моментов се наоѓа во посета на Кина, повика на „смиреност додека во тек се спасувачките операции“.
извор: Агенција Анадолија (АА).
фото: Агенција Анадолија (АА).
