Обилните дождови предизвикаа проблеми во Солун и во реонот на Муданија, на полуостровот Халкидики.
Директорот на Службата за цивилна заштита на регионот Централна Македонија, Хараламбос Стергиадис, соопшти дека дождот предизвикал прекин во снабдувањето со електрична енергија во регионот Муданија.
Противпожарната служба примила повеќе од 300 итни повици низ cеверна Грција, вклучително и Солун и Халкидики, за испумпување на вода, отстранување на дрвја и за транспорт на луѓе на безбедно. Поплавени се и неколку патишта во регионот, поради што е блокиран сообраќајот.
https://www.youtube.com/watch?v=zDf_cwDfiHk&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title&ab_channel=FLOODNEWSTODAY%26NATURALDISASTERS
Во исто време, градоначалникот на Касторија, Јанис Коренџидис, бара прогласување вонредна состојба во неговиот град од страна на регионалниот гувернер на областа Западна Македонија, откако поројните дождови предизвикаа големи поплави, а исто така го погодија и земјоделското производство.
Национална метеоролошка служба предупреди дека денеска се очекува дождот и невреме со грмежи и можна појава на град во повеќето области на Грција, вклучително и островите.
фото:Ruptly
