Дали сте слушнале за мистериозната, имагинарна линија што ги поврзува седумте манастири Св. Михаил – од Ирска до Израел. Според легендата, оваа линија го претставува патот по кој Свети Михаил го испратил сатаната во пеколот. Дали е тоа само случајност или нешто многу повеќе?
Светилиштата се многу далеку едно од друго, но сепак се совршено усогласени, а интересните факти и детали за нивната историска поврзаност се неверојатни.
Трите најважни места се Мон Сен Мишел во Франција; Сакрата на Сан Микеле во Вал де Суза и светилиштето Монте Сант Анџело во Гаргано, од кои сите се на исто растојание едни од други. Постои приказна дека тоа е потсетување на Свети Михаил за оние кои веруваат и треба да бидат праведни и да го следат вистинскиот пат. Покрај тоа, линијата е совршено усогласена со зајдисонцето на денот на летната краткоденица на северната хемисфера.
Редот започнува на пуст остров во Ирска, каде што архангелот Михаил му се јавил на свети Патрик за да му помогне да ја ослободи таа земја од злото, а на тоа место се наоѓа и првиот манастир од оваа линија – Скелинг Михаил, или карпата на Михаил.
Линијата потоа продолжува во правец на југ и застанува во Англија на планината Св. Михаил, на островче кое се приближува до копното за време на плимата и осеката. Се верува дека Свети Михаил на тоа место разговарал со група рибари.
Следната станица е во Франција на Мон Сен Мишел каде, според традицијата, се појавил и самиот Архангел. Локацијата и природната убавина на заливот во кој се наоѓа ова светилиште го прави едно од најубавите туристички места во цела Франција, поради што е под заштита на УНЕСКО од 1979 година. Ова место се сметало за мистично уште од времето на Галите. Имено, во 709 година на свети Оберт му се јавил свети Михаил, по што Свети Оберт иницирал изградба на црква на карпата, која подоцна ќе стане бенедиктински манастир.
Илјада километри подалеку, во Вал де Суза, се наоѓа четвртото светилиште – Сакра Ди Сан Микеле, односно манастирот Свети Михаил. Изградбата на овој манастир започнала околу 1000 година, а во текот на вековите на првобитната градба биле додадени нови градби. Бенедиктинските монаси додадоа уште една помала гостилница затоа што ова место беше на патот на аџиите кои патуваа по францисканскиот пат – Via Francigena.
Во следните илјада километри стигнувате до италијанската провинција Апулија, каде што недостапните пештери станале Светилиште на Свети Михаил, а неговата приказна започнува во 490 година кога Свети Михаил му се јавил на свети Лоренцо Мајорано.
По Италија следи шестото светилиште на островот Сими во Грција. Покрај тоа, ова светилиште има статуа на Архангел Михаил висока три метри, што ја прави една од најголемите во светот.
maskimagazin.faktor.mk
