Албански имигранти кои се обидувале со гумени чамци да заминат во Обединетото Кралство преку Ла Манш во Франција се судриле со француската полиција. Групата албански имигранти се судрила со полицијата во селото Гравелин кај Данкерк.
Јавните службеници од францускиот ЦРС оштетиле најмалку два гумени чамци на мигрантите пред да заминат, пишува Дејли Мејл.
Исфрустрирани, мигрантите почнале да фрлаат со камења и гранки од дрвја кон полицајците, кои употребиле солзавец за да ја растераат толпата.
Викендов се очекува да заминат голем број чамци, откако лошите временски услови во земјата ги спречија мигрантите да го преминат Ла Манш од 31 октомври.
Албанската заедница во Англија денес започна протест на мостот Вестминстер, во близина на парламентот.
Секретарката за внатрешни работи Суела Браверман како пример во парламентот на Велика Британија ги спомена само Албанците „кои пристигнуваат со гумени чамци“, а не и останатите 11 националности од околу 40.000 луѓе кои годинава пристигнале на англискиот брег.