Дури три тепачки се случиле на предновогодишна прослава организирана од вработени во СВР Охрид. Како што брифираат високи полициски извори, дел од полицискиот кадар бил на предновогодишна прослава во еден познат угостиелски објект лоциран во приградска населба на Охрид, блиску до аеродромот.
Неофицијално дознаваме инцидентите со физички пресметки помеѓу „видно расположените“ полициски кадри не се пријавени во полиција, но се снимени од надзорните камери на објектот, а детално запознаени со инцидентите се и сите од раководната структура во СВР Охрид.
Тепачките избиле помеѓу инспектори од компјутерски криминал и инспектори од недозволена трговија.
Како што брифираат високо позиционирани полициски извори, во тепачките учествувале и луѓе кои се наоѓаат на инспекторски позиции.
извор: NEWS1.mk
