Здружението на писатели на Америка (WGA) објави дека неговите 11.500 членови ќе стапат во штрајк откако преговорите со студиските компании за платите пропаднаа, јавува Анадолу.
Одлуката на сценаристите да штрајкуваат следуваше по неуспешните преговори за зголемување на платите и споделување на профитот со Американското филмско здружение (MPAA), кое претставува повеќе од 350 продукциски компании, вклучувајќи ги и Дизни и Нетфликс.
Здружението на писатели на Америка (WGA) објави дека преговорите со продуцентските компании, што траеја околу шест недели, не понудија решение за кризата со која се соочуваат сценаристите во услови на рекордно висока инфлација.
Штрајкот најавен од Здружението на писатели на Америка (WGA) треба да започне денес попладне и може да предизвика одложување на филмските проекции.
Последен пат холивудските сценаристи штрајкуваа во 2007 година, а стодневниот прекин на работата предизвика загуба од околу две милијарди долари.
Писателите зборуваа за построги услови за работа и пониски плати во последниве години поради брзиот раст на годишното производство на ТВ-серии и филмови, а Здружението на писатели на Америка (WGA) вели дека писателите се соочиле со „егзистенцијална криза“.
извор:Анадолу.
фото:Анадолу.