Балафонот, еден од најстарите инструменти во Африка, познат и како „шумски инструмент“, се истакнува како незаменлив дел од свадбите, погребите и црковните организации во Африка, јавува Анадолу.
Инструментот балафон е мелодичен западноафрикански ударен инструмент, еден вид претходник на маримбата. Изработен е од бала дрвото, а се свири со удирање со дрвени стапчиња по дрвените плочки, секоја наштимувана на одреден тон.
Балафонот најчесто се штима во пентатонска скала, но постојат и верзии во тетратонична, септатонска и хроматска скала.
Се верува дека балафонот, кој обично содржи од 16 до 27 ноти, настанал во 12 век во Кралството Сосо, на географското подрачје каде што се наоѓа денешен Мали.
Првиот балафон во историјата, наречен „Sosso Bala“, познат и како „свет балафон“, се чува во посебна кутија во селото Нијагасола, кое се наоѓа на границата на Мали и Гвинеја.
Камерунскиот музичар и мајстор на балафон, Паукум Баси, говореше за историјата на инструментот, неговото производство и начинот на свирење.
Наведувајќи дека балафонот е еден од најстарите инструменти во Африка, Баси рече: „Секој балафон го одразува јазикот, културата и општеството.“
Наведе дека секое општество во Африка произведува и свири балафон користејќи го дрвото кое успева на тоа подрачје и кое содржи ноти според нивните јазици и културни карактеристики.
Баси истакна дека во Камерун главно го користат дебелото црвено дрво наречено „мел“ при изработката на балафон.
Појасни дека во Африка балафонот е незаменлив инструмент во ноќните клубови, кабареата, на свадбите, погребите и оркестрите во црквите.
Баси наведе дека балафонот првпат бил користен во Централна Африка, додавајќи дека овој инструмент се проширил низ целиот свет со миграцијата на Африканците низ светот.
извор:Анадолу.
фото:Ahmet Emin Dönmez/AA Анадолу.