Напад на новинарски екипи кои известуваат на албански јазик попладнево е регистриран во Лепосавиќ. Повреден е снимател на Радио телевизија Косово (РТК), соопшти државната телевизија.
🇽🇰 Public broadcaster team brutally attacked in #Kosovo. We reiterate our call to Prime Minister @albinkurti to lease with the media organisation and put in place safety measures for journalists. ECPMF wishes the speedy recover to the @rtklivecom team. https://t.co/mMppX3cwnT
— European Centre for Press and Media Freedom (@ECPMF) June 16, 2023
На видео што се шири на социјалните мрежи се гледа како група маскирани лица ги бркаат камерманот и новинарот на РТК. Еден од напаѓачите во еден момент успеа да ги стигне и да турне на земја по што го удира со нозе по телото.
Европскиот центар за слобода на печатот и медиумите го осуди денешниот напад врз снимателот на РТК во Лепосавиќ. Здружението на косовските новинари апелира до косовската полиција, но и до меѓународната заедница да овозможат безбедно известување од северот на земјата.
