Македонската пејачка Калиопи вчеравечер требаше да одржи концерт во салата „МТС“ во Белград, но таа го одложи истиот откако на една жена во публиката ѝ се слоши и за жал почина.
Жената која пристигнала на концертот со другарките и ќерката, изгубила свест и колабирала, поради што веднаш била повикана брза помош. На несреќната жена која има околу 70 години ѝ била извршена реанимација, но безуспешно.
Како што пишуваат српските медиуми, Калиопи видно се потресла и со солзи ја напуштила салата, а концертот бил откажан. Потоа, пејачката отишла во полициска станица за да даде изјава.
По трагичниот настан Калиопи се огласи на својот инстаграм-профил каде изрази сочувство на семејството на починатата жена.
„Ова е најтажниот ден во мојата кариера…Денес наместо да го славиме животот на мојот концерт,загубивме еден живот…Во мое име и во име на целиот мој тим, изразуваме длабоко сочувство до семејството на починатата…Ова е моја прва и единствена изјава за вечерашниот немил и многу тажен настан за сите нас…Се надевам дека мојата публика ќе има разбирање за одложувањето на вечерашниот концерт…Новиот датум ќе биде објавен наскоро“, напиша Калиопи.
