Обилните врнежи од дожд синоќа предизвикаа покачување на нивото на морето и поплави во Измир, па улиците во областите Каршијака и Конак беа под вода, а надлежните служби и спасувачките екипи интервенираа на терен, јавува Анадолу.
Поплавени се голем број деловни и станбени објекти на крајбрежјето, а мештаните ги спасуваа своите возила тргајќи ги подалеку од брегот.
Градските служби до утринските часови работеа на чистење на каналите за повлекување на водата.
Силниот ветар дополнително ја отежна ситуацијата, а противпожарната спасувачка екипа со чамци евакуираше музичари кои свиреле во еден од поплавените клубови.
Градските власти соопштија дека нивото на морето е покачено за еден метар и дека сите надлежни служби се на терен за да им помогнат на погодените.
