Пет лица, меѓу кои и едно дете, загинаа во голем пожар што утринава избувна во пансион во Романија во кој престојувале 26 лица кога се случила несреќата, информираше локалната полиција. Екипите за итни случаи реагирале на пријава за пожар во селото Тохани во областа Прахова, соопшти Генералниот инспекторат за вонредни состојби.
Пред итните служби да ја потврдат смртта на четвртата и петтата жртва околу пладне, екипите за пребарување и спасување трагаа по пет исчезнати лица. Засега не е јасно дали двајцата загинати се меѓу оние кои се водат како исчезнати.
Властите соопштија дека 18 лица успеале да побегнат од запалената зграда, а двајца од нив се пренесени во болница каде што се лекуваат од изгореници.
Околу 12:45 часот надлежните соопштија дека пожарот е изгаснат и дека се трага по исчезнатите, пренесуваат романските медиуми.
Огнот зафатил површина од околу 1.000 метри квадратни. Засега нема информации што го предизвикало пожарот.
Фотографиите од пожарот споделени од службите за итни случаи покажуваат дека речиси изгорената структура е зафатена од пламен додека пожарникарите се обидувале да ја изгаснат.
