Млад возач е тешко повреден во сообраќајната несреќа која се случила синоќа, еден час по полноч на патот Прилеп – Битола.
Сообраќајката во Министерството за внатрешни работи била пријавена околу 01:05 часот, а полицијата денеска излезе со детали.
Во несреќата учествувале товарно возило „ман “ со битолски регистарски ознаки, управувано од 58-годипниот битолчанец Д.М. и автомобил „ауди“ со прилепски регистарски ознаки, управуван од дваесет годишниот Д.К. од Прилеп.
– Во несреќата возачот Д.К. се здобил со тешки телесни повреди констатирани во болницата во Прилеп – информира МВР.
По несреќата, увид на местото извршила екипа на СВР Битола.
Сообраќајната несреќа е причина за пренасочување на возилата, кои во делот меѓу Прилеп и селото Лагов возат по стариот пат, информираат од Автомото сојузот на Македонија (АМСМ).
Екипи на Јавното претпријатие „Македонија пат“ се на местото на сообраќајката и работат на расчистување на возилата и нормализација на сообраќајот.
faktor.mk