Во недела, на 24 март, се навршуваат 25 години од почетокот на НАТО бомбардирањето на Сојузна Република Југославија (СРЈ).
Нападот на СР Југославија траеше 11 недели. Според проценките, загинале меѓу 1.200 и 2.500 луѓе.
Акцијата на силите на НАТО започна по неуспешните преговори за решение на кризата во Косово, спроведени во Рамбује и Париз во февруари и март 1999 година.
Тоа беше преземено со цел да се спречи егзодусот на албанското население на Косово, кое беше тероризирано од српските воени и полициски сили, за што повеќето членови на тогашниот државен врв, меѓу кои и Слободан Милошевиќ како претседател на државата, им се судеше пред судот во Хаг.
Во кампањата за воздушни напади учествуваа сили на 19 западни земји, а воздушните акции, кои траеја 78 дена, беа извршени без одобрение на Советот за безбедност на ОН.
Воздушните напади завршија со потпишување на т.н Кумановскиот договор од 9 јуни 1999 година, по што следеше повлекување на армиските и полициските сили од Косово, на чија територија беше формирана цивилната мисија на Обединетите нации (УНМИК).
Според податоците на УНХЦР, 230.000 Срби и Роми го напуштиле Косово од доаѓањето на мировните сили, а 800.000 албански бегалци се вратиле.
slobodnaevropa.mk