Измама тешка 11 илјади евра: Им ветил дека ќе им отвори фирма во Дубаи, ниту им отворил, ниту парите им ги вратил

Педесет и седумгодишен жител на тетовско село, вчера во СВР Тетово пријавил дека 58-годишниот М.М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврати му платиле вкупно 11 илјади евра.

Но, ниту фирмата им била отворена, ниту парите им ги вратил, по што сфатиле дека се измамени, велат од СВР Тетово, додавајќи дека се преземаат мерки за расчистување и документирање на случајот.