Дури 2,4 милијарди долари се потрошени за оружје во светот во текот на изминатата година, покажува најновиот извештај на Стокхолмскиот меѓународен институт за истражување на мирот (СИПРИ)! Како што пренесува порталот „DW“, ова е нов рекорд во потрошувачката и најголем годишен пораст од 2009 година.
Растот на трошоците за оружје е забележан во целиот свет, а најголеми суми очекувано се издвојуваат во земјите од Европа, Блискиот Исток и Азија. Севкупно, во 2023 година биле потрошени 6,8 отсто повеќе пари за оружје отколку една година порано. Трите земји кои минатата година потрошиле најмногу пари за оружје се САД, Кина и Русија.
САД, кои трошат повеќе за одбрана од која било друга земја во светот, ги зголемија расходите за 2,3 отсто на дури 916 милијарди долари, што претставува 68 отсто од вкупните воени трошоци на НАТО. Во 2023 година, Кина одвои околу 296 милијарди долари за својата армија. Тоа е зголемување од шест проценти во однос на 2022 година, а исто така претставува половина од вкупните воени трошоци низ Азија и Океанија.
Во извештајот се посочува дека конфликтот во Украина доведе до зголемување на трошоците за оружје не само од Киев и Москва, туку и од повеќето европски земји. Руските трошоци се зголемени за 24 отсто на околу 109 милијарди долари во 2023 година, се тврди во извештајот на SIPRI. Расходите на Русија за вооружените сили беа 16 отсто од вкупниот државен буџет, а нејзиниот воен товар (воените трошоци како дел од бруто домашниот производ) изнесуваше 5,9 отсто.
telegraf.rs