Екстремно топлиот Африкански бран кој ја зафати нашата Македонија, но и целиот Балкански Полуостров, викендов ќе зема замав, па така температурите ќе бидат уште повисоки и насекаде во Македонија тие ќе бидат екстремно високи. Екстремно висок ќе биде и Ув индексот со вредност 10.
Интересно видео се појави на социјалните мрежи од соседна Србија, во кое се гледа колку е температурата.
И кај нас состојбата е слична. Метеорологот Славчо Попоски вели дека температурите викендов ќе се искачуваат во интервалот од 35 до 43 степени, во Скопската котлина таа ќе се искачи до околу 40 степени, но со тоа што повремено температурата може да надмине и 40 степени. Тука се и тропските ноќи и тоа особено во централните и во југоисточните предели каде и преку ноќта, како и во раните утрински часови температурите нема да се спуштат под 20 степени.
Времето ќе биде сончево со појава на мала до умерена локална облачност. Во недела попладне и тоа во западните предели ќе има локална појава на нестабилност проследена со пороен дожд, грмежи и засилен ветер. Можна е и појава на краткотрајно невреме.
Поради екстремно високите температури, но и поради екстремно високиот Ув индекс апелираме граѓаните да не излегуваат во најтоплиот дел од денот (од 11 до 17 часот), но и да пијат повеќе течности.