Властите во Австралија ја истражуваат смртта на најмалку 65 кенгури, откриени застрелани или погодени од возила, што поттикна истрага за да се пронајдат одговорните, јавува Анадолу.
Инцидентот се случил на речиси 190 хектари приватно земјиште по должината на патот Таит Хамилтон во близина на Гобаруп, околу 120 километри северно од Мелбурн, во државата Викторија.
Вработен во локално засолниште за диви животни ги откри телата на источните сиви кенгури на 22 јуни и веднаш го извести државниот регулатор за заштита на природата, јави Еј-би-си њуз.
„Три кенгури се пронајдени живи, но мораше да бидат евтанизирани поради сериозноста на повредите“, се наведува.
На местото на настанот властите пронашле и употребени чаури од сачмарка.
Законите на австралиската држава Викторија забрануваат лов, одземање, уништување, повредување на дивиот свет, со казни до шест месеци затвор и парични казни.
Во Австралија има повеќе од 30 милиони кенгури.
извор:Анадолу.
фото:Анадолу.
