Американскиот претседател Џо Бајден денеска повторно и се обрати на нацијата со најновите информации за обидот за атентат врз Доналд Трамп.
„Благодарен сум што Трамп е добро и закрепнува“, рече тој и продолжи:
„Зборував со Доналд Трамп синоќа. Имавме краток и добар разговор. Навистина сум благодарен што Трамп е добро и се опоравува. Ова не е Америка и не можеме да дозволиме ова да се случи. Нема место во Америка за ваков вид насилство, ниту за какво било насилство.
Бајден повика и на единство на нацијата:
„За таа работа, обидот за атентат оди против сето она за кое се залагаме како нација, сè. Не се работи за тоа кои сме ние како нација. Тоа не е Америка и не можеме да дозволиме да се случи. Единството е најтешката цел од сите, но ништо не е поважно од тоа“.
REPORT: In his second press conference since the assassination attempt against Donald Trump, President Joe Biden expressed condolences with the former president & the family of Corey Comperator, the rally goer who was killed by now deceased assailant Thomas Matthew Crooks while… pic.twitter.com/69NjmTOcON
— DannyKPolitics (@DannyKPolitics) July 14, 2024
Тој исто така изјави дека се уште се истражува мотивот за атентатот:
„Сè уште немаме информации за мотивот на атентаторот. Знаеме кој е тој. Ги повикувам сите, сите, ве молиме да не правите претпоставки за неговите мотиви или врски. Оставете го ФБИ да си ја работи својата работа, а нивните партнерски агенции да си ја завршат работата“.
„Наредив оваа истрага да биде темелна и брза, а истражителите ќе ги имаат сите ресурси што им се потребни за да го направат тоа. – заклучи Бајден.
