Премиерот Шуф издаде изјава во која ги осуди нападите доцна синоќа врз израелските фудбалски навивачи во Амстердам. Тој на X известува дека „со гадење го следи известувањето од Амстердам“. Тој зборува за „неприфатливи напади врз Израелците“.
Шуф му се јавил на израелскиот премиер Нетанјаху и му рекол дека сторителите ќе бидат пронајдени и кривично гонети. Нетанјаху најави дека ќе испрати авиони во Амстердам за да ги земе сонародниците.
Градоначалничката на Амстердам Халсема се уште не одговорила на насилството, но се очекува писмена изјава од неа.
Натпревар против Ајакс
Израелците беа во Амстердам на натпреварот Ајакс-Макаби Тел Авив. Вкупно имаше 2.600 израелски навивачи.
Сликите кои кружат на социјалните мрежи покажуваат дека израелските поддржувачи се бркани и нападнати од маскирани мажи. Тие извикуваа, меѓу другото, „Слободна Палестина“.
Полицијата вчера уапсила неколку десетици осомничени. Ништо повеќе не се знае за напаѓачите.
Израелските медиуми јавуваат дека десет Израелци се префрлени во болница со повреди во Амстердам.
извор:НОС Холандија
