Ердоган во разговор со Зеленски порачал дека вложуваат напори што поскоро да се прогласи примирје

0
621

Претседателот на Турција, Реџеп Таип Ердоган, објави дека телефонски разговарал со украинскиот претседател, Владимир Зеленски, известува Агенција Анадолија (АА).

Во соопштението што го објави Канцеларијата за комуникации при Претседателството на Република Турција се наведува дека Ердоган и Зеленски разговарале за нападите на Русија врз Украина и за најновите случувања на тоа поле.

Ердоган во текот на разговорот изразил сочувство за граѓаните на Украина кои ги загубија животите во руските напади и им посакал брзо заздравување на ранетите.

Турскиот претседател порачал дека вложуваат напори да се прогласи примирје што е можно поскоро, со цел Украина да не претрпува понатамошни штети и да се спречи понатамошно губење животи.

извор: Агенција Анадолија (АА).