More

    Косово забрани емитување на руски канали на косовските телевизии

    Независната комисија за медиуми на Косово (КПМ) наложи времено исклучување на сите телевизиски канали по потекло од Русија од косовските телевизиски платформи и побара од медиумите да внимаваат на дезинформациите и лажните вести во врска со ситуацијата во Украина по руската воена акција во таа држава.

    Преку својата страница на Фејсбук, косовското регулаторно тело за медиуми објави дека одлуката е донесена „со цел да се спречи пропагандата (од Русија) и да се заштити јавната безбедност во Република Косово“.

    КПМ донесе одлука да им наложи на сите оператори за дистрибуција времено да прекинат со пренесување на каналите по потекло од Руската Федерација, со цел да се спречи пропагандата и да се заштити јавната безбедност во Република Косово – се вели во соопштението на КПМ.

    Косовскиот регулатор нагласува дека одлуката „нема за цел да ги задуши слободата на говор и слободата на медиумите“, туку само да ја спречи руската пропаганда преку медиумите.

    Во писмо до косовските медиуми, КПМ порачува дека „повнимателно го следи медиумското известување за актуелната ситуација во Украина, посебно за програмските содржини кои се нудат преку разни платформи, со посебен акцент на медиумите со потекло и блиски на актуелната власт во Руската Федерација“.

    КПМ ги упатува сите свои лиценцирани субјекти да бидат внимателни при преносот на програмски содржини и да ги преземат потребните дејствија за да го избегнат ширењето на пропаганда и на лажни вести, посебно од медиумите од руско потекло или блиски до актуелната власт во Руската Федерација, која може да дистрибуира програмски содржини кои поттикнуваат јазик на омраза, дезинформации, дискриминација и нетрпеливост со цел да ја оправдаат нивната војна против Украина и кои на еден или на друг начин можат да ги загрозат безбедноста и јавниот ред на Република Косово – се вели во соопштението.

    spot_img

    Последни Вести

    spot_imgspot_img

    Слични Вести

    Skopje
    scattered clouds
    -1.2 ° C
    -1.2 °
    -1.2 °
    59 %
    1.5kmh
    40 %
    Wed
    1 °
    Thu
    2 °
    Fri
    5 °
    Sat
    6 °
    Sun
    7 °
    spot_imgspot_img