Втор обид за евакуација на цивили од Мариупол – привремен прекин на огнот

0
575

Градскиот совет на Мариупол, град кој се наоѓа во североисточна Украина, соопшти дека привремениот прекин на огнот ќе се почитува од 10 до 21 часот по локално време, што е од 9 до 20 часот по средноевропско време.

Цивилите ќе можат да се евакуираат од Мариупол со автобуси кои тргнуваат од три локации во градот, користејќи однапред договорена рута што завршува во Запорожје, велат властите на Мариупол.

Како ќе се одвива евакуацијата?

Цивилите ќе можат да се евакуираат од Мариупол со автобуси од три места во градот, а ќе ја следат претходно договорената рута, која завршува во Запорожје, соопштија властите.

Можно е да се излезе од градот и со приватни возила, но од нив е побарано да возат зад автобусот во конвој предводен од Црвениот крст.

Градскиот совет додаде дека треба да се пополнат сите места во приватните возила.

Иако веста за новиот прекин на огнот е позитивна, сличен обид за евакуација, најавен во саботата, пропадна по само неколку часа.поради продолжување на конфликтот.