Австрија го суспендира Законот за задолжителна вакцинација

0
446

Австриската Влада денеска објави дека нема да започне со спроведување на Законот за задолжителна вакцинација против коронавирусот за повеќето возрасни лица кон средината на март, како што е планирано, јавува Агенција Анадолија (АА).

Телевизијата ОРФ објави дека Владата на Австрија денеска објавила дека Законот за задолжителна вакцинација против коронавирусот е суспендиран и дека во моментов нема потреба од негово спроведување. Најавено е дека стручната комисија ќе ја преоцени состојбата кон средината на јуни.

Задолжителната вакцинација за лицата постари од 18 години беше законски регулирана на почетокот на февруари, два и пол месеци откако беше објавена за време на бранот на делта-варијантата на коронавирусот.

Планирано беше полицијата кон средината на март да почне со проверка на вакциналниот статус на населението, а за оние кои при контролата не би имале доказ за вакцинација или не би го доставиле подоцна, предвидени беа казни од 600 до 3.600 евра.

извор: Агенција Анадолија (АА).