СДСМ продолжува со вистинска грижа за пензионерите. Собранието вечерва ги усвои измените и дополнувањата на Законот за пензиско и инвалидско осигурување со кои се обебзедува одржлив и континуиран раст на пензиите. Со измените на Законот, растот на пензиите ќе се усогласува по два односи, односно со порастот на трошоците за живот и растот на просечната плата, се вели во соопштението од СДСМ. Во продолжение на истото се додава:
Усогласувањето ќе се спроведува на први март и први септември секоја година.
Тоа значи дека веќе од овој септември околу 330.000 пензионери ќе добијат историско највисоко зголемување на пензиите, кои во просек ќе растат по околу 900 денари.
Со ова законско решение се обезбедува одржливо решение за континуиран раст на пензиите, растот на пензиите веќе никогаш нема да зависи од политичката волја на владејачките коалиции, како што тоа беше пред неколку години.
Дополнително, како дел од антикризните мерки, за месеците април, мај и јуни секој пензионер ќе добива дополнителни 1.000 денари на својата пензија.
СДСМ и парламентарното мнозинство продолжуваат со мерки и решенија кои на дело ја потврдуваат вистинската грижа за сите категории граѓани.
