Неколку лица се хоспитализирани денеска во Лондон поради отежнато дишење, откако хемиска реакција предизвикала испуштање на отровен гас – хлор во базенот. Од жителите во близина било побарано да ги затворат прозорците додека пожарникарите го отстранувале отровниот гас.
Работниците во лондонскиот центар за водени спортови во Олимпискиот парк „Кралица Елизабета“ во Стратфорд ги презеле хемикалиите кога имало „истекување на гас“, објави „Ивнинг стандард“.
Update Aquatic Centre in #Stratford. Due to a chemical reaction a high quantity of chlorine gas was released inside the centre. While we ventilate the premises we would ask those residents in the immediate vicinity to close their doors and windows https://t.co/Jx8kHmRReO pic.twitter.com/YBuNiaAGmZ
— London Fire Brigade (@LondonFire) March 23, 2022
„Поради хемиската реакција, во центарот е ослободено големо количество гас хлор“, соопшти набрзо потоа лондонската противпожарна бригада, додавајќи дека од комплексот на базенот се евакуирани околу 200 луѓе и дека полицијата ја проветрува зградата.
Раководството на базенот соопшти дека во лондонската брза помош се згрижени „голем број жртви со отежнато дишење“.
Хлорот обично се користи за дезинфекција на базени и обично се транспортира во течна или кристална форма. Сепак, хлорот станува гас кога се меша со киселина како што се амонијак или хлороводородна киселина, а оваа жолто-зелена магла може да предизвика повраќање и респираторни проблеми при вдишување.
