Поради постоење основи на сомнение за сторени кривични дела „измама“ и „злоупотреба на лични податоци“, ОВР Дебар поднесе кривична пријава против А.Ц.(39) и Ќ.Ц.(46), двајцата од Дебар. Пријавените сопружници, во периодот од 2010 до 2022 година, свесно и со умисла, во неколку наврати довеле во заблуда повозрасна жителка од Дебар која, од една банка и 2 финансиски друштва, подигнала кредити и како заем им ги дала на пријавените кои и ветиле дека парите ќе и ги враќале на рати. Пријавените, ги злоупотребиле личните податоци од личната карта на оштетената и од нејзината е-маил адреса, до едно финансиско друштво, поднеле он лајн апликација за добивање брз кредит по што, парите ги подигнале од нејзината трансакциска сметка. Со тоа, пријавените се стекнале со противправна имотна корист од 777.000 денари.