Првата дама на САД, Џил Бајден, денес посети училиште во словачкиот град Кошице, каде што наставата ја следат околу 60 деца бегалци од Украина, известува Агенција Анадолија (АА).
Г-ѓа Бајден во таа пригода разговараше со децата и нивните родители.
Посетата е организирана на Меѓународниот ден на мајката, празник што се одбележува во втората недела од мај.
Од 24 февруари, кога Русија го започна нападот на Украина, земјата ја напуштија околу 6 милиони лица. Околу половина милион бегалци пристигнаа во Словачка.
Повеќе од 3,1 милион Украинци избегаа во Полска, над 854.000 во Романија, половина милион во Унгарија, а дел избегаа во Молдавија.
Над 714.000 лица избегаа во Русија или низ неа.
Во Украина интерно се раселени повеќе од 7 милиони луѓе.
извор: Агенција Анадолија (АА).
