Најголемата и најдобрата антикризна мерка на оваа неспособна власт е оставка и организирање на предвремени парламентарни избори после кои конечно ќе започне процесот на извлекување на Македонија од бездната кон која ја втурнаа, се вели во Соопштението од ВМРО ДПМНЕ кое е реакција на соопштението на Влада на Република Македонија.
Во соопштението од ВМРО ДПМНЕ, додаваат:
Само одговорна и посветена влада, составена од професионалци и чесни личности која ќе испорача резултати и која ќе покаже дека нема недопирливи и дека криминалот во власта жестоко и правично ќе се санкционира е рецептот кој ќе донесе нова надеж.
Затоа го повикуваме СДСМ наместо со неодговорни маркетинг трикови за наводна помош на разорената од криминал Македонија, конечно да покаже доблест и да ја признае неспособноста и аздисаноста на нивните шерифи низ институциите на државната власт. Тоа ќе биде најдобриот проект на оваа неспособна Влада што може да го направи после пет години груб грабеж на земјата.
извор: ВМРО ДПМНЕ
