Силни дождови и поплави го погодија централниот италијански регион во четвртокот, при што загинаа најмалку седум лица, додека уште три се водат како исчезнати, објавија денеска италијанските медиуми. Локалните власти рекоа дека не очекувале ваква ненадејна „водена бомба“, бидејќи околу 400 милиметри дожд паднале во рок од два до три часа, поплавувајќи ги улиците на неколку градови во провинциите Анкона и Пезаро-Урбино.
#Maltempo #Ancona, 180 #vigilidelfuoco al lavoro: salvate nella notte decine di persone rifugiatesi sui tetti delle abitazioni e sugli alberi.
Più di 150 gli interventi effettuati, 7 persone decedute e 3 risultano disperse.
Nel filmato il lavoro a #Senigallia (AN) #16settembre pic.twitter.com/9KuzHkkFGr— Vigili del Fuoco (@vigilidelfuoco) September 16, 2022
Снимката објавена од противпожарните бригади покажува дека операторите се движат по улиците на приморскиот град Синигалија на чамци за да ги спасат луѓето и да ги евакуираат. Спасувачките служби сè уште трагаат по преживеани, соопштија властите. Во меѓувреме, лидерот на италијанската централно-левичарска Демократска партија на Твитер напиша дека ќе ја прекине кампањата во регионот пред националните избори на 25 септември.
