Во американскиот град Њујорк граѓаните сѐ почесто пријавуваат глувци кои слободно се шетаат по улиците на метрополата, јавува Агенција Анадолија (АА).
Американската метропола со околу 9 милиони жители со години има мака со глодачите кои често се преносители на заразни вируси и болести.
Според најновите податоци, бројката на забележување глувци во градот е зголемена за 70 отсто во однос на истиот период пред две години. Пријавени се вкупно 21.500 воочувања на глувци.
Екипата на АА регистрира собирање и движење на глувци по улиците на Њујорк. Забележано е дека овие животни се навикнале на животот во градот и не покажуваат никакви знаци на страв од луѓе.
извор: Агенција Анадолија (АА).
фото: Агенција Анадолија (АА).