Село во близина на градот Замора во северозападна Шпанија, кое има 44 куќи, црква, училиште, хотел, бар, па дури и поранешна касарна на жандармеријата, се продава за 260.000 евра, јавува Анадолија.
Проблемот со празните села во Шпанија е зголемен во последните години, а често може да се видат огласи за продажба на десетици куќи, но и цели села.
Веб-страницата „Идеалиста“, која обезбедува услуги за недвижнини, објави дека селото Салто де Кастро во градот Замора, во близина на границата со Португалија, е ставено на продажба.
Во селото има 44 куќи, црква, училиште, хотел, кафеана, стар базен, спортски комплекс, па дури и стара касарна на жандармеријата.
Како што е наведено во огласот, селото станало напуштено поради преселувањето на неговите жители во градските средини.
Агенцијата за недвижности, која ги застапува сопствениците на имот во селото, соопшти дека неколку стотици луѓе веќе го погледнале огласот за селото, кој се продава за 260.000 евра.
Како што истакнаа, добиле многу покани, а особено заинтересирани за купување на селото се Шпанците, Португалците и Англичаните.
Во близина на селото има природен парк кој е изграден во 1950-тите поради старата хидроцентрала, а бројот на жители постепено се намалува по затворањето на централата во 1989 година.
rs.n1info.com
