Необичната глетка на мечка која шета низ улиците на Сараево утрово ја снимил читател на порталот Klix.ba.
Животното шетало низ неколку населби во месноста Стари Град, а читателот го снимил во Вратник.
За мечката скитничка била известена полицијата, како и Ловечкото друштво Сараево, чија екипа за интервенција се обидела да ја скроти мечката.
„Се обидуваме да го вратиме, а тој веќе се упати кон касарната, односно кон Змајевац, тука сме и работиме, ако треба ќе го успиеме и ќе го вратиме. Во контакт сме со Факултетот за ветеринарна медицина, ако почне да прави проблеми и да полудувa, мора да пукаме во него за да не повреди никого“, изјави претседателот на Ловечкото друштво, Муриз Буква.
видео: Večernji list
