Вук Бориловиќ (34) во петокот во Црна Гора уби 10 и рани шест лица. Прво дошол на првиот кат од куќата во која како станари живеело семејството Мартиновиќ. Горе беа мајката Наташа и нејзините два сина на возраст од 8 и 11 години. Дошло до расправија и Бориловиќ почнал да пука.
Прво ги убил момчињата кои се обиделе да се сокријат зад вратата, а потоа пукал во нивната мајка која починала во болница. Таа пред смртта, како што пишува Курир, успеала да му се јави на сопругот Милош Мартиновиќ и да му каже дека синовите му се убиени. Милош потоа му се јави на Бориловиќ, кој ладно му одговори:
– Го убив твоето и моето семејство.
Се вели дека Бориловиќ бил татко на три деца. Неговата сопруга и децата на кобниот ден не биле дома, туку во Херцег Нови.
Бориловиќ работел во националниот парк Ловќен, а велат дека бил мирен и повлечен човек, но дека во последно време видно се променил.
– Се однесуваше како осамен волк, кој не го сакаше, тоа му се покажа – рекол еден од неговите колеги.
24sata.hr