Петкатната зграда се урнала во густо населената област Имбаба, изјави претставник на цивилната заштита. Засега не е јасно што го предизвикало уривањето.
Службеникот, кој сакал да остане анонимен бидејќи не бил овластен да ги информира медиумите, рече дека работниците за пребарување и спасување бараат преживеани во урнатините. Тој рече дека уривањето на објектот ги срушило и балконите на соседните згради.
Уривањата на зградите се вообичаени во Египет, каде лошата градба и недостатокот на одржување се широко распространети во сиромашните квартови. Да потсетиме, во јуни во Каиро при уривање на зграда загинаа 6 лица.
Бидејќи недвижностите во големите градови како Каиро и медитеранскиот град Александрија се скапи, градителите кои бараат поголем профит често градат нелегално. Дополнителни катови често се градат без соодветни дозволи.
Владата на земјата се обидела да ги ограничи дивите градби во последниве години по децении слаба примена. Сепак, Каиро е сè уште полн со станбени згради без дозвола.
vesnik.com
