Бугарските медиуми објавија дека Светиот синод на Бугарската православна црква на својата редовна седница под водство на бугарскиот патријарх Неофит решил да го признае томосот со кој СПЦ ѝ дава автокефалност на МПЦ.
Меѓутоа, БПЦ смета дека МПЦ-Охридска Архиепископија треба да се нарекува „Православна црква во Република Северна Македонија“, а притоа го оспори и името на архиепископот охридски и македонски г.г. Стефан, односно ќе го нарекува „архиепископ скопски Стефан“, објави doxologiainfonews.com.
Оваа одлука доаѓа затоа што Бугарската црква не ја признава титулата со која што вселенскиот патријарх Вартоломеј ги прими во литургиско сослужување архиепископот Стефан и МПЦ.
фото: Архива
