Плоштадот Шахид Алихани е дел од историскиот ирански град Исфахан и е прилично грозен. Сепак, многу очи во Иран деновиве се насочени кон ова место. Имено, навивачите и поддржувачите пристигнуваат одвреме навреме да му дадат поддршка на истакнатиот млад ирански фудбалер Амир Наср-Азаданија, за кој се стравува дека наскоро ќе биде погубен на тој плоштад. Си-Ен-Ен наведува дека сведок близок на фудбалерот ги информирал дека на плоштадот е поставена платформа за егзекуција.
Преплашените ирански семејства, чии членови се осудени на смрт поради нивната поврзаност со протестите ширум земјата, веруваат дека Западот во моментов е преокупиран со божиќните прослави и дека поради тоа ќе има бран на егзекуции во Иран. Поради протестите за правата на жените и по смртта на 22-годишната Махса Амини, многу луѓе се осудени на смрт, а илјадници се во затвори.
Работејќи со активистичката група 1500Tasvir, Си-Ен-Ен прегледа документи, видеа, сведоштва и изјави кои сугерираат дека најмалку 43 лица, вклучувајќи го и Наср-Азадани, можеби биле егзекутирани.
Властите минатиот месец егзекутираа неколку лица поврзани со протестите, а едно лице беше јавно обесено. Изјавите на сведоците и официјалните документи прегледани од CNN и 1500Tasvir докажуваат дека избрзаните судења се одржале и дека егзекуциите се подготвуваат. Иранскиот државен медиум ИРНА претходно објави дека Наср-Азадани е обвинет за вмешаност во убиството на тројца припадници на безбедносните сили за време на протестите во Исфахан на 16 ноември. Главниот судија на градот, Асадула Џафари, потврди дека Наср-Азадани е обвинет за бунт против владата, што според иранскиот закон се казнува со смрт. Извор близок до фудбалерот за Си-Ен-Ен изјавил дека пријателите и поддржувачите се надевале дека фудбалерот ќе биде ослободен, но се повеќе ја губат надежта дека ќе го видат жив. Во страв постојано доаѓаат на плоштадот да видат дали е погубен.
slobodnadalmacija.hr